aashiqi jurat-e-izhaar tak aae to sahi

āshiqī jur.at-e-iz.hār tak aa.e to sahī

vo zarā ḳhauf-e-jahāñ dil se miTā.e to sahī

kaise uThte haiñ qadam dekhiye manzil kī taraf

dil ke irshād pe sar koī jhukā.e to sahī

us ke qadmoñ meñ rifāqat ke ḳhazāne hoñge

merī jānib vo qadam apne baḌhā.e to sahī

jazba-e-josh-e-mohabbat tujhe sau baar salām

merī aahaT pe vo dahlīz tak aa.e to sahī

har ġhazal merī qasīda hī sahī terā magar

tujh ko ash.ār meñ yuuñ koī sajā.e to sahī

dāstāñ hoñge ḳhud us ujḌe hue shahar ke ġham

is añdhere meñ koī sham.a jalā.e to sahī

ḳhud-baḳhud rāsta degā ye zamāna 'tālib'

dostī ke liye vo haath baḌhā.e to sahī

aashiqi jurat-e-izhaar tak aae to sahi

wo zara KHauf-e-jahan dil se miTae to sahi

kaise uThte hain qadam dekhiye manzil ki taraf

dil ke irshad pe sar koi jhukae to sahi

us ke qadmon mein rifaqat ke KHazane honge

meri jaanib wo qadam apne baDhae to sahi

jazba-e-josh-e-mohabbat tujhe sau bar salam

meri aahaT pe wo dahliz tak aae to sahi

har ghazal meri qasida hi sahi tera magar

tujh ko ashaar mein yun koi sajae to sahi

dastan honge KHud us ujDe hue shahar ke gham

is andhere mein koi shama jalae to sahi

KHud-baKHud rasta dega ye zamana 'talib'

dosti ke liye wo hath baDhae to sahi