aasman-e-KHwab ki rangin-bayani ja chuki

āsmān-e-ḳhvāb kī rangīñ-bayānī jā chukī

dosto dil thaam lenā shādmānī jā chukī

ab kahāñ dād-o-dahish kī vo tamanna ḳhushbuo

mausam-e-be-rang tak ik ik kahānī jā chukī

gumbad-e-be-dar kī āñkhoñ meñ bhī aañsū aa ga.e

duur tak shāyad hamārī nauha-ḳhvānī jā chukī

ḳhud se milnā to hamesha hī rahā āzār-e-jāñ

tum se milne kī bhī ḳhvāhish yār-e-jānī jā chukī

āsmāñ se sang-reze aa rahe haiñ sar pe kyoñ

us jahāñ se kyā hamārī mehmānī jā chukī

ab kahāñ hañste haiñ chehre ab kahāñ khilte haiñ phuul

merī āñkhoñ meñ jo thī us kī nishānī jā chukī

aasman-e-KHwab ki rangin-bayani ja chuki

dosto dil tham lena shadmani ja chuki

ab kahan dad-o-dahish ki wo tamanna KHushbuo

mausam-e-be-rang tak ek ek kahani ja chuki

gumbad-e-be-dar ki aankhon mein bhi aansu aa gae

dur tak shayad hamari nauha-KHwani ja chuki

KHud se milna to hamesha hi raha aazar-e-jaan

tum se milne ki bhi KHwahish yar-e-jaani ja chuki

aasman se sang-reze aa rahe hain sar pe kyon

us jahan se kya hamari mehmani ja chuki

ab kahan hanste hain chehre ab kahan khilte hain phul

meri aankhon mein jo thi us ki nishani ja chuki