aaThon pahr lahu mein nahaya kare koi

Fuzail Jafri

aaThon pahr lahu mein nahaya kare koi

Fuzail Jafri

MORE BYFuzail Jafri

    āThoñ pahr lahū meñ nahāyā kare koī

    yuuñ bhī na apne dard ko dariyā kare koī

    aḌ jā.egī fasīl-e-shab-e-jabr toḌ kar

    qaidī nahīñ havā jise andhā kare koī

    dil taḳhta-e-gulāb bhī ātish-fishāñ bhī hai

    is rah-guzar se roz na guzrā kare koī

    oḌhī hai us ne sard ḳhamoshī misāl-e-sañg

    lafzoñ ke ābshār girāyā kare koī

    paanī tarah phail ga.ī ghar meñ shām-e-hijr

    tā-sub.h Duub Duub ke ubhrā kare koī

    maiñ huuñ kisī sadā ke shikanje meñ 'ja.afarī'

    merā patā havāoñ se pūchhā kare koī

    aaThon pahr lahu mein nahaya kare koi

    yun bhi na apne dard ko dariya kare koi

    aD jaegi fasil-e-shab-e-jabr toD kar

    qaidi nahin hawa jise andha kare koi

    dil taKHta-e-gulab bhi aatish-fishan bhi hai

    is rah-guzar se roz na guzra kare koi

    oDhi hai us ne sard KHamoshi misal-e-sang

    lafzon ke aabshaar giraya kare koi

    pani ki tarah phail gai ghar mein sham-e-hijr

    ta-subh Dub Dub ke ubhra kare koi

    main hun kisi sada ke shikanje mein 'jafari'

    mera pata hawaon se puchha kare koi

    Source:

    • Book : Sar Sabz (Pg. 136)
    • Author : Krishn Kumar Toor
    • Publication : Aariz Offset Press 123 Shahzad Bagh Ind. Phase-II Delhi-35 ( 1986)
    • Edition :  1986
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY