آوارہ آوارہ خوشبو ہم دونو (ردیف .. ن)
آوارہ آوارہ خوشبو ہم دونو
جانے کس دن ہوں گے یکسو ہم دونوں
تازہ تازہ پھولوں کی رت کہتی ہے
کر لیں کچھ تفریح لب جو ہم دونوں
پھر کیا شے ہے مانع ساتھ نبھانے میں
رکھتے تو ہیں یکساں خوشبو ہم دونوں
میں چلتا ہوں دل پر عقل و ہوش پہ تو
جس کا توڑ نہیں وہ جادو ہم دونوں
اپنی اپنی پہچانوں کے شیدائی
تاریکی میں اڑتے جگنو ہم دونوں
ٹکرائے تو ٹوٹیں گے مٹ جائیں گے
اپنے آپ پہ رکھیں قابو ہم دونوں
رسموں کے بندھن سے بازو کھلتے تو
آزادی سے اڑتے ہر سو ہم دونوں
اس میں رہ کر اس سے بچنا مشکل ہے
دنیا ناوک افگن آہو ہم دونوں
تصویروں کا البم لاؤ دیکھیں تو
کتنے تھے خوش قامت خوش رو ہم دونوں
مأخذ:
Hari Sonahri Khak (Ghazal) (Pg. 231)
- مصنف: Mahir Abdul Hayee
-
- اشاعت: 2008
- ناشر: Bazme-e-Urdu,Mau
- سن اشاعت: 2008
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
