aawazon ke jal bichhae jate hain
āvāzoñ ke jaal bichhā.e jaate haiñ
khone vaale ab kyā paa.e jaate haiñ
achchhe achchhe logoñ kī kyā pūchhte ho
yaad kiye jaate haiñ bhulā.e jaate haiñ
hañs hañs kar jo phuul khilā.e the tum ne
is mausam meñ sab murjhā.e jaate haiñ
sūraj jaise jaise Dhaltā jaatā hai
us kī dīvāroñ tak saa.e jaate haiñ
rishtoñ par ik aisā vaqt bhī aatā hai
suljhā suljhā kar uljhā.e jaate haiñ
phir us ne rāhoñ meñ phuul bichhā.e haiñ
ham jaise phir Thokar khaa.e jaate haiñ
apne dāman par haiñ 'shakīl' apne aañsū
log magar ehsān jatā.e jaate haiñ
aawazon ke jal bichhae jate hain
khone wale ab kya pae jate hain
achchhe achchhe logon ki kya puchhte ho
yaad kiye jate hain bhulae jate hain
hans hans kar jo phul khilae the tum ne
is mausam mein sab murjhae jate hain
suraj jaise jaise Dhalta jata hai
us ki diwaron tak sae jate hain
rishton par ek aisa waqt bhi aata hai
suljha suljha kar uljhae jate hain
phir us ne rahon mein phul bichhae hain
hum jaise phir Thokar khae jate hain
apne daman par hain 'shakil' apne aansu
log magar ehsan jatae jate hain
Source:
Tarkash (Pg. 27)
- Author: Shakeel Gwaliory
-
- Edition: 1986
- Publisher: Madhya Pradesh Urdu Academy
- Year of Publication: 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
