aazadi mein rahne wale dekho kaise rahte hain

Mahir Abdul Hayee

aazadi mein rahne wale dekho kaise rahte hain

Mahir Abdul Hayee

MORE BY Mahir Abdul Hayee

    āzādī meñ rahne vaale dekho kaise rahte haiñ

    apne saa.e se Darte haiñ chauñke chauñke rahte haiñ

    hare-bhare peḌoñ ke uupar jin ke Thor Thikāne the

    ab vo panchhī shor-e-zamīñ par dhuup meñ jalte rahte haiñ

    Takrāte rahte haiñ aksar patthar jaise logoñ se

    ham dil vaale kirchī kirchī ā.īne se rahte haiñ

    gahrā.ī se motī laane vāloñ ye haal huā

    sāhil āġhosh meñ baiThe lahreñ ginte rahte haiñ

    lau zad meñ rahne vaalo un or na dekho tum

    bādal hamrāhī meñ jo aksar bhīge rahte haiñ

    āḳhir āḳhir ḳhud bhī zaḳhmī ho kar hote haiñ bad-hāl

    avval avval zaḳhmoñ ke saudāgar achchhe rahte haiñ

    kaise kaise maile ho kar vāpas aate haiñ 'māhir'

    log nikalte haiñ jab ghar se ujle ujle rahte haiñ

    aazadi mein rahne wale dekho kaise rahte hain

    apne sae se Darte hain chaunke chaunke rahte hain

    hare-bhare peDon ke upar jin ke Thor Thikane the

    ab wo panchhi shor-e-zamin par dhup mein jalte rahte hain

    Takraate rahte hain aksar patthar jaise logon se

    hum dil wale kirchi kirchi aaine se rahte hain

    gahrai se moti lane walon ka ye haal hua

    sahil ki aaghosh mein baiThe lahren ginte rahte hain

    lau ki zad mein rahne walo un ki or na dekho tum

    baadal ki hamrahi mein jo aksar bhige rahte hain

    aaKHir aaKHir KHud bhi zaKHmi ho kar hote hain bad-haal

    awwal awwal zaKHmon ke saudagar achchhe rahte hain

    kaise kaise maile ho kar wapas aate hain 'mahir'

    log nikalte hain jab ghar se ujle ujle rahte hain

    Source:

    • Book : Hari Sonahri Khak (Ghazal) (Pg. 179)
    • Author : Mahir Abdul Hayee
    • Publication : Bazme-e-Urdu,Mau (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY