ab KHak to kiya hai dil ko jala jala kar

Jurat Qalandar Bakhsh

ab KHak to kiya hai dil ko jala jala kar

Jurat Qalandar Bakhsh

MORE BYJurat Qalandar Bakhsh

    ab ḳhaak to kiyā hai dil ko jalā jalā kar

    karte ho itnī bāteñ kyuuñ tum banā banā kar

    āshiq ke ghar tum ne buniyād ko biThāyā

    ġhairoñ ko paas apne har dam biThā biThā kar

    ye bhī koī sitam hai ye bhī koī karam hai

    ġhairoñ pe lutf karnā ham ko dikhā dikhā kar

    ai but na mujh ko hargiz kūche se ab uThānā

    aayā huuñ yaañ talak maiñ zālim ḳhudā ḳhudā kar

    detā huuñ maiñ idhar apnā taḌap taḌap kar

    dekhe hai vo udhar ko āñkheñ churā churā kar

    koī āshnā nahīñ hai aisā ki bā-vafā ho

    kahte ho tum ye bāteñ ham ko sunā sunā kar

    jaltā thā siina merā ai sham.a tis pe ne

    duunī lagā.ī ātish aañsū bahā bahā kar

    ik nigāh kar kar siine se le gayā vo

    har-chand dil ko rakkhā ham ne chhupā chhupā kar

    jur.at ne āḳhir apne ko bhī ab gañvāyā

    in be-muravvatoñ se dil ko lagā lagā kar

    ab KHak to kiya hai dil ko jala jala kar

    karte ho itni baaten kyun tum bana bana kar

    aashiq ke ghar ki tum ne buniyaad ko biThaya

    ghairon ko pas apne har dam biTha biTha kar

    ye bhi koi sitam hai ye bhi koi karam hai

    ghairon pe lutf karna hum ko dikha dikha kar

    ai but na mujh ko hargiz kuche se ab uThana

    aaya hun yan talak main zalim KHuda KHuda kar

    deta hun main idhar ji apna taDap taDap kar

    dekhe hai wo udhar ko aankhen chura chura kar

    koi aashna nahin hai aisa ki ba-wafa ho

    kahte ho tum ye baaten hum ko suna suna kar

    jalta tha sina mera ai shama tis pe tu ne

    duni lagai aatish aansu baha baha kar

    ek hi nigah kar kar sine se le gaya wo

    har-chand dil ko rakkha hum ne chhupa chhupa kar

    jurat ne aaKHir apne ji ko bhi ab ganwaya

    in be-murawwaton se dil ko laga laga kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now