ab nahin dard chhupane ka qarina mujh mein

Baqa Baluch

ab nahin dard chhupane ka qarina mujh mein

Baqa Baluch

MORE BYBaqa Baluch

    ab nahīñ dard chhupāne qarīna mujh meñ

    kyā karūñ bas gayā ik shaḳhs anokhā mujh meñ

    us āñkheñ mujhe mahsūr kiye rakhtī haiñ

    vo jo ik shaḳhs hai muddat se saf-ārā mujh meñ

    apnī miTTī se rahī aisī rifāqat mujh ko

    phailtā jaatā hai ik ret sahrā mujh meñ

    mere chehre pe agar karb ke āsār nahīñ

    ye na samho ki nahīñ koī tamannā mujh meñ

    maiñ kināre pe khaḌā huuñ to koī baat nahīñ

    bahtā rahtā hai tirī yaad dariyā mujh meñ

    Duub to jā.ūñ tirī mad-bharī ā.ankhoñ meñ magar

    laḌkhaḌāne nahīñ hausla itnā mujh meñ

    jab se ik shaḳhs ne dekhā hai mohabbat se 'baqā'

    phailtā jaatā hai har roz ujālā mujh meñ

    ab nahin dard chhupane ka qarina mujh mein

    kya karun bas gaya ek shaKHs anokha mujh mein

    us ki aankhen mujhe mahsur kiye rakhti hain

    wo jo ek shaKHs hai muddat se saf-ara mujh mein

    apni miTTi se rahi aisi rifaqat mujh ko

    phailta jata hai ek ret ka sahra mujh mein

    mere chehre pe agar karb ke aasar nahin

    ye na samho ki nahin koi tamanna mujh mein

    main kinare pe khaDa hun to koi baat nahin

    bahta rahta hai teri yaad ka dariya mujh mein

    Dub to jaun teri mad-bhari aaankhon mein magar

    laDkhaDane ka nahin hausla itna mujh mein

    jab se ek shaKHs ne dekha hai mohabbat se 'baqa'

    phailta jata hai har roz ujala mujh mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY