ab tak shikayaten hain dil-e-bad-nasib se

Shakeel Badayuni

ab tak shikayaten hain dil-e-bad-nasib se

Shakeel Badayuni

MORE BYShakeel Badayuni

    ab tak shikāyateñ haiñ dil-e-bad-nasīb se

    ik din kisī ko dekh liyā thā qarīb se

    aksar ba-zom-e-tark-e-mohabbat ḳhudā gavāh

    guzrā chalā gayā huuñ dayār-e-habīb se

    dast-e-ḳhizāñ ne baḌh ke vahīñ us ko chun liyā

    jo phuul gir gayā nigah-e-andalīb se

    ahl-e-sukūñ se khel na ai mauj-e-imbisāt

    ik din ulajh ke dekh kisī ġham-nasīb se

    na ahl-e-nāz ko bhī mile fursat-e-niyāz

    maiñ duur haT gayā jo vo guzre qarīb se

    ye kis ḳhatā pe ruuTh ga.ī chashm-e-iltifāt

    ye kab intiqām liyā mujh ġharīb se

    un ke baġhair bhī hai vahī zindagī daur

    hālāt-e-zindagī haiñ magar kuchh ajiib se

    samjhe hue the husn-e-azal jis ko ham 'shakīl'

    apnā aks-e-ruḳh nazar aayā qarīb se

    ab tak shikayaten hain dil-e-bad-nasib se

    ek din kisi ko dekh liya tha qarib se

    aksar ba-zom-e-tark-e-mohabbat KHuda gawah

    guzra chala gaya hun dayar-e-habib se

    dast-e-KHizan ne baDh ke wahin us ko chun liya

    jo phul gir gaya nigah-e-andalib se

    ahl-e-sukun se khel na ai mauj-e-imbisat

    ek din ulajh ke dekh kisi gham-nasib se

    na ahl-e-naz ko bhi mile fursat-e-niyaz

    main dur haT gaya jo wo guzre qarib se

    ye kis KHata pe ruTh gai chashm-e-iltifat

    ye kab ka intiqam liya mujh gharib se

    un ke baghair bhi hai wahi zindagi ka daur

    haalat-e-zindagi hain magar kuchh ajib se

    samjhe hue the husn-e-azal jis ko hum 'shakil'

    apna hi aks-e-ruKH nazar aaya qarib se

    RECITATIONS

    Nomaan Shauque

    Nomaan Shauque,

    Nomaan Shauque

    ab tak shikayaten hain dil-e-bad-nasib se Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now