اب تک تو یہی پتا نہیں ہے
اب تک تو یہی پتا نہیں ہے
اس شہر میں کیا ہے کیا نہیں ہے
پتے کو نہ اس طرح سے دیکھو
ٹہنی سے ابھی گرا نہیں ہے
چپ چاپ کھڑا ہوا ہوں کب سے
احساس تو ہے صدا نہیں ہے
اک لمحے میں میں بھی تو بھی دکھ بھی
ظالم کوئی وقت سا نہیں ہے
جو عکس ہے آئنے میں میرا
اس سے کوئی واسطہ نہیں ہے
اس راہ پہ چل رہا ہوں کب سے
جس راہ میں نقش پا نہیں ہے
ہر تن پہ جو اشکؔ ٹھیک بیٹھے
وہ کوٹ ابھی سلا نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
