ab to aa jao zara mujhko manane yaro

ab to aa jaao zarā mujh ko manāne yaaro

ho ga.e rūThe hue tum ko zamāne yaaro

in ġhamoñ ne bhī mirā saath nahīñ chhoḌā hai

ye ḳhushī aa.ī to bas mujh ko rulāne yaaro

is daf'a jaane vo ab kaisī qayāmat laa.e

aaj aayā hai vo phir vā'da nibhāne yaaro

log jīteñ haiñ bhalā kaise jahāñ meñ hañs kar

maut aaj aa.ī hai ye mujh ko batāne yaaro

dostī 'ishq ho ye dil hī faqat TūTtā hai

kaun phir jaatā hai ab dil ko lagāne yaaro

maiñ gila ġhairoñ se kartā bhī to kaise kartā

tum bhī to aa.e the mujh ko hī girāne yaaro

bāheñ phailā do yā phir koī sazā do mujh ko

maiñ to aayā huuñ gale tum ko lagāne yaaro

ab to aa jao zara mujh ko manane yaro

ho gae ruThe hue tum ko zamane yaro

in ghamon ne bhi mera sath nahin chhoDa hai

ye KHushi aai to bas mujh ko rulane yaro

is daf'a jaane wo ab kaisi qayamat lae

aaj aaya hai wo phir wa'da nibhane yaro

log jiten hain bhala kaise jahan mein hans kar

maut aaj aai hai ye mujh ko batane yaro

dosti 'ishq ho ye dil hi faqat TuTta hai

kaun phir jata hai ab dil ko lagane yaro

main gila ghairon se karta bhi to kaise karta

tum bhi to aae the mujh ko hi girane yaro

bahen phaila do ya phir koi saza do mujh ko

main to aaya hun gale tum ko lagane yaro