ab to tum bhi jawan hue ho dekhenge dil ko bachaoge tum

Raza Azimabadi

ab to tum bhi jawan hue ho dekhenge dil ko bachaoge tum

Raza Azimabadi

MORE BYRaza Azimabadi

    ab to tum bhī javāñ hue ho dekheñge dil ko bachāoge tum

    mil jo gayā ham-chashm koī phir aañkh usī se laḌāoge tum

    ab jo ham tum se karte haiñ tum bhī kisī se karoge vahī

    ham se tumhārā sulūk hai jaisā vaisā badla pāoge tum

    be-tābī se karoge kyā kyā na ka.ī kisī majlis meñ

    aaoge tum baiThoge tum phir aaoge tum uTh jāoge tum

    ra.asha thī zabāñ meñ luknat paañv beḌī mohrā deñge

    muñh se kuchh kuchh niklegā dil meñ jo Thahrāoge tum

    vo to tumhārī siikh tumhīñ se baat meñ baat nikālegā

    merī sūrat apnā muñh taak ke phir rah jāoge tum

    naam ko daana do do din tak merī tarah dekhoge nahīñ

    jab maiñ bahut samjhā.ūñgā to thoḌā khānā khāoge tum

    na.ī na.ī choTeñ khā khā kar jab be-kal ho ho jāoge

    mujh ko hamdard apnā samajh kahne ko ġham ke aaoge tum

    har har baat meñ ro ro ke ghabrā ghabrā kar bologe

    kaise ġharīb ġharīb se ho kar dil bāteñ sunāoge tum

    mere haal pe sheroñ ke mazmūn bahut yaad ā.eñge

    das das baar ek ek ġhazal ko mujh se phir paḌhvāoge tum

    dil meñ tum apne mat laanā jiite rahe gar mīr-'razā'

    de dil us haath meñ le ke jaise dil ko lagāoge tum

    ab to tum bhi jawan hue ho dekhenge dil ko bachaoge tum

    mil jo gaya ham-chashm koi phir aankh usi se laDaoge tum

    ab jo hum tum se karte hain tum bhi kisi se karoge wahi

    hum se tumhaara suluk hai jaisa waisa hi badla paoge tum

    be-tabi se karoge kya kya na kai kisi ki majlis mein

    aaoge tum baiThoge tum phir aaoge tum uTh jaoge tum

    rasha thi zaban mein luknat panw beDi mohra denge

    munh se kuchh ka kuchh niklega dil mein jo Thahraoge tum

    wo to tumhaari sikh tumhin se baat mein baat nikalega

    meri surat apna sa munh tak ke phir rah jaoge tum

    nam ko dana do do din tak meri tarah dekhoge nahin

    jab main bahut samjhaunga to thoDa sa khana khaoge tum

    nai nai choTen kha kha kar jab be-kal ho ho jaoge

    mujh ko hamdard apna samajh kahne ko gham ke aaoge tum

    har har baat mein ro ro ke ghabra ghabra kar bologe

    kaise gharib gharib se ho kar dil ki baaten sunaoge tum

    mere haal pe sheron ke mazmun bahut yaad aaenge

    das das bar ek ek ghazal ko mujh se phir paDhwaoge tum

    dil mein tum apne mat lana jite rahe gar mir-'raza'

    de dil us ka hath mein le ke jaise dil ko lagaoge tum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY