ab wahi harf-e-junun sab ki zaban Thahri hai

Faiz Ahmad Faiz

ab wahi harf-e-junun sab ki zaban Thahri hai

Faiz Ahmad Faiz

MORE BY Faiz Ahmad Faiz

    ab vahī harf-e-junūñ sab zabāñ Thahrī hai

    jo bhī chal niklī hai vo baat kahāñ Thahrī hai

    aaj tak shaiḳh ke ikrām meñ jo shai thī harām

    ab vahī dushman-e-dīñ rāhat-e-jāñ Thahrī hai

    hai ḳhabar garm ki phirtā hai gurezāñ nāseh

    guftugū aaj sar-e-kū-e-butāñ Thahrī hai

    hai vahī āriz-e-lailā vahī shīrīñ dahan

    nigah-e-shauq ghaḌī bhar ko jahāñ Thahrī hai

    vasl shab thī to kis darja subuk guzrī thī

    hijr shab hai to kyā saḳht girāñ Thahrī hai

    bikhrī ik baar to haath aa.ī hai kab mauj-e-shamīm

    dil se niklī hai to kab lab pe fuġhāñ Thahrī hai

    dast-e-sayyād bhī aajiz hai kaf-e-gul-chīñ bhī

    bū-e-gul Thahrī na bulbul zabāñ Thahrī hai

    aate aate yūñhī dam bhar ko rukī hogī bahār

    jaate jaate yūñhī pal bhar ko ḳhizāñ Thahrī hai

    ham ne jo tarz-e-fuġhāñ hai qafas meñ ījād

    'faiz' gulshan meñ vahī tarz-e-bayāñ Thahrī hai

    ab wahi harf-e-junun sab ki zaban Thahri hai

    jo bhi chal nikli hai wo baat kahan Thahri hai

    aaj tak shaiKH ke ikram mein jo shai thi haram

    ab wahi dushman-e-din rahat-e-jaan Thahri hai

    hai KHabar garm ki phirta hai gurezan naseh

    guftugu aaj sar-e-ku-e-butan Thahri hai

    hai wahi aariz-e-laila wahi shirin ka dahan

    nigah-e-shauq ghaDi bhar ko jahan Thahri hai

    wasl ki shab thi to kis darja subuk guzri thi

    hijr ki shab hai to kya saKHt giran Thahri hai

    bikhri ek bar to hath aai hai kab mauj-e-shamim

    dil se nikli hai to kab lab pe fughan Thahri hai

    dast-e-sayyaad bhi aajiz hai kaf-e-gul-chin bhi

    bu-e-gul Thahri na bulbul ki zaban Thahri hai

    aate aate yunhi dam bhar ko ruki hogi bahaar

    jate jate yunhi pal bhar ko KHizan Thahri hai

    hum ne jo tarz-e-fughan ki hai qafas mein ijad

    'faiz' gulshan mein wahi tarz-e-bayan Thahri hai

    Videos
    This video is playing from YouTube

    Videos
    This video is playing from YouTube

    Nomaan Shauque

    Nomaan Shauque

    Source:

    • Book: Nuskha Hai Wafa (Pg. 164)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites