ab wo betabi-e-jaan kahe ki wahshat kaisi

ab vo betābi-e-jāñ kaahe kī vahshat kaisī

us se bichhḌe haiñ to hāsil hai farāġhat kaisī

jaan ham kār-e-mohabbat kā sila chāhte the

dil-e-sāda koī mazdūr hai ujrat kaisī

'umr kyā chiiz hai ehsās-e-ziyāñ ke aage

ek hī shab meñ badal jaatī hai sūrat kaisī

sham'-e-ḳhema koī zanjīr nahīñ ham-safarāñ

jis ko jaanā hai chalā jaa.e ijāzat kaisī

is zamīñ par mire yaktā tire timsāl bahut

ā.ina-ḳhāne meñ aayā hai to hairat kaisī

dil agar dil hai to dariyā se baḌā honā hai

sar agar sar hai to nezoñ se shikāyat kaisī

ab wo betabi-e-jaan kahe ki wahshat kaisi

us se bichhDe hain to hasil hai faraghat kaisi

jaan hum kar-e-mohabbat ka sila chahte the

dil-e-sada koi mazdur hai ujrat kaisi

'umr kya chiz hai ehsas-e-ziyan ke aage

ek hi shab mein badal jati hai surat kaisi

sham'-e-KHema koi zanjir nahin ham-safaran

jis ko jaana hai chala jae ijazat kaisi

is zamin par mere yakta tere timsal bahut

aaina-KHane mein aaya hai to hairat kaisi

dil agar dil hai to dariya se baDa hona hai

sar agar sar hai to nezon se shikayat kaisi