ab wo mahki hui si raat nahin
ab vo mahkī huī sī raat nahīñ
baat kyā hai ki ab vo baat nahīñ
phir vahī jāgnā hai din kī tarah
raat hai aur jaise raat nahīñ
baat apnī tumheñ na yaad rahī
ḳhair jaane do koī baat nahīñ
kuchh nahīñ hai to yaad hai un kī
un se tark-e-ta.alluqāt nahīñ
phir bhī dil ko baḌī umīdeñ haiñ
go ba-zāhir tavaqquāt nahīñ
ishq hotā hai ḳhud-ba-ḳhud paidā
ishq ke kuchh lavāzimāt nahīñ
aise 'fazlī' ke sher kam hoñge
jin meñ kuchh dil kī vārdāt nahīñ
ab wo mahki hui si raat nahin
baat kya hai ki ab wo baat nahin
phir wahi jagna hai din ki tarah
raat hai aur jaise raat nahin
baat apni tumhein na yaad rahi
KHair jaane do koi baat nahin
kuchh nahin hai to yaad hai un ki
un se tark-e-talluqat nahin
phir bhi dil ko baDi umiden hain
go ba-zahir tawaqquat nahin
ishq hota hai KHud-ba-KHud paida
ishq ke kuchh lawazimat nahin
aise 'fazli' ke sher kam honge
jin mein kuchh dil ki wardat nahin
Source:
urdu kii chunii hu.ii gazale.n (Pg. 35)
- Author: devendra issar
-
- Edition: 1963
- Publisher: sahityaa parkaashak maalbaara delhi
- Year of Publication: 1963
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
