ab wo tufan hai na wo shor hawaon jaisa
ab vo tūfāñ hai na vo shor havāoñ jaisā
dil kā aalam hai tire ba.ad ḳhalāoñ jaisā
kaash duniyā mire ehsās ko vāpas kar de
ḳhāmushī kā vahī andāz sadāoñ jaisā
paas rah kar bhī hamesha vo bahut duur milā
us kā andāz-e-taġhāful thā ḳhudāoñ jaisā
kitnī shiddat se bahāroñ ko thā ehsās-e-ma.āl
phuul khil kar bhī rahā zard ḳhizāoñ jaisā
kyā qayāmat hai ki duniyā use sardār kahe
jis kā andāz-e-suḳhan bhī ho gadāoñ jaisā
phir tirī yaad ke mausam ne jagā.e mahshar
phir mire dil meñ uThā shor havāoñ jaisā
bārhā ḳhvāb meñ pā kar mujhe pyāsā 'mohsin'
us kī zulfoñ ne kiyā raqs ghaTāoñ jaisā
ab wo tufan hai na wo shor hawaon jaisa
dil ka aalam hai tere baad KHalaon jaisa
kash duniya mere ehsas ko wapas kar de
KHamushi ka wahi andaz sadaon jaisa
pas rah kar bhi hamesha wo bahut dur mila
us ka andaz-e-taghaful tha KHudaon jaisa
kitni shiddat se bahaaron ko tha ehsas-e-maal
phul khil kar bhi raha zard KHizaon jaisa
kya qayamat hai ki duniya use sardar kahe
jis ka andaz-e-suKHan bhi ho gadaon jaisa
phir teri yaad ke mausam ne jagae mahshar
phir mere dil mein uTha shor hawaon jaisa
barha KHwab mein pa kar mujhe pyasa 'mohsin'
us ki zulfon ne kiya raqs ghaTaon jaisa
Source:
Kulliyat-e-mohsin (Pg. 122)
- Author: Mohsin Naqvi
-
- Edition: 2010
- Publisher: Mavra Publishers
- Year of Publication: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
