اب یہیں سے زوال ہے اس کا
اب یہیں سے زوال ہے اس کا
وہ خدا ہے خیال ہے اس کا
اس کے جیسی ہی دھوپ ہے مجھ پر
میرے جیسا ہی حال ہے اس کا
وہ تقاضے کرے ہے تنہائی
گھر میں رہنا محال ہے اس کا
کوئی بت ہی جواب دے گا اسے
کافرانہ سوال ہے اس کا
وقت رخصت وہ کس قدر خوش تھا
اور بچھڑ کر جو حال ہے اس کا
اس بدن کو پڑھو تسلی سے
مصرع مصرع کمال ہے اس کا
وہ ندامت ہے اس کے چہرے پر
آئنے پر ملال ہے اس کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
