abhi garaj kar baras paDega yahi main pagal samajh raha tha

abhī garaj kar baras paḌegā yahī maiñ pāgal samajh rahā thā

vo koī TukḌā ḳhayāl kā thā jise maiñ bādal samajh rahā thā

baras na jaa.eñ kahīñ ye āñkheñ jo nam bhī hoñ to sañbhal sañbhal kar

zarā sī sahmī huī thiiñ palkeñ zarā sā kājal samajh rahā thā

kahāñ ye uljhe kahāñ ye suljhe kahāñ ye machle kahāñ ye sañbhle

ki vaqt kī sab nazākatoñ ko tumhārā āñchal samajh rahā thā

ye kyā karishme se koī kam hai kisī ne dekhā na us ko jaanā

bahut dinoñ se zamāna phir bhī use mukammal samajh rahā thā

jo ek manzar guzar rahā thā thamā huā hai vo mere dil meñ

na jaane kyoñ maiñ kisī nagar ko butoñ kā jangal samajh rahā thā

ye sirf dhokā thā us nazar kā yā koī maqsad chhupā thā is meñ

tū us ke hī rū-ba-rū thā 'dīpak' tujhe vo ojhal samajh rahā thā

abhi garaj kar baras paDega yahi main pagal samajh raha tha

wo koi TukDa KHayal ka tha jise main baadal samajh raha tha

baras na jaen kahin ye aankhen jo nam bhi hon to sanbhal sanbhal kar

zara si sahmi hui thin palken zara sa kajal samajh raha tha

kahan ye uljhe kahan ye suljhe kahan ye machle kahan ye sanbhle

ki waqt ki sab nazakaton ko tumhaara aanchal samajh raha tha

ye kya karishme se koi kam hai kisi ne dekha na us ko jaana

bahut dinon se zamana phir bhi use mukammal samajh raha tha

jo ek manzar guzar raha tha thama hua hai wo mere dil mein

na jaane kyon main kisi nagar ko buton ka jangal samajh raha tha

ye sirf dhoka tha us nazar ka ya koi maqsad chhupa tha is mein

tu us ke hi ru-ba-ru tha 'dipak' tujhe wo ojhal samajh raha tha