abhi ek dafa thi mili nazar hue dilruba ki bichhaD gae

abhī ik daf'a thī milī nazar hue dilrubā ki bichhaḌ ga.e

kisī ajnabī se zarā zarā hue āshnā ki bichhaḌ ga.e

mujhe ham-safar jo 'azīz thā mujhe ham-safar vo milā nahīñ

na safar meñ vo mire saath hai mire paas aa ki bichhaḌ ga.e

huī hai du'ā jo qubūl ab mujhe rāste meñ milī thī vo

vo mujhe dikhī maiñ use dikhā huā sāmnā ki bichhaḌ ga.e

sabhī kashtiyoñ pe savār the mirā ham-nashīñ to dikhā nahīñ

mirī baat sun mire nāḳhudā zarā Thahr jā ki bichhaḌ ga.e

kisī bevafā se hoñ qurbateñ ye kisī 'azāb se kam nahīñ

ai mire ḳhudā tirā shukriya ye sahī huā ki bichhaḌ ga.e

yahī qismatoñ kā zavāl thā mirī ziist meñ na visāl thā

kabhī ro ke ham se bichhaḌ ga.e kabhī muskurā ki bichhaḌ ga.e

kisī bevafā se lagā ke dil na kiyā karo ye shikāyateñ

use 'ahras' apnī vafā.eñ diiñ huī kyā ḳhatā ki bichhaḌ ga.e

abhi ek daf'a thi mili nazar hue dilruba ki bichhaD gae

kisi ajnabi se zara zara hue aashna ki bichhaD gae

mujhe ham-safar jo 'aziz tha mujhe ham-safar wo mila nahin

na safar mein wo mere sath hai mere pas aa ki bichhaD gae

hui hai du'a jo qubul ab mujhe raste mein mili thi wo

wo mujhe dikhi main use dikha hua samna ki bichhaD gae

sabhi kashtiyon pe sawar the mera ham-nashin to dikha nahin

meri baat sun mere naKHuda zara Thahr ja ki bichhaD gae

kisi bewafa se hon qurbaten ye kisi 'azab se kam nahin

ai mere KHuda tera shukriya ye sahi hua ki bichhaD gae

yahi qismaton ka zawal tha meri zist mein na visal tha

kabhi ro ke hum se bichhaD gae kabhi muskura ki bichhaD gae

kisi bewafa se laga ke dil na kiya karo ye shikayaten

use 'ahras' apni wafaen din hui kya KHata ki bichhaD gae