abhi ek shor sa uTha hai kahin

Jaun Eliya

abhi ek shor sa uTha hai kahin

Jaun Eliya

MORE BYJaun Eliya

    abhī ik shor uThā hai kahīñ

    koī ḳhāmosh ho gayā hai kahīñ

    hai kuchh aisā ki jaise ye sab kuchh

    is se pahle bhī ho chukā hai kahīñ

    tujh ko kyā ho gayā ki chīzoñ ko

    kahīñ rakhtā hai DhūñDhtā hai kahīñ

    jo yahāñ se kahīñ na jaatā thā

    vo yahāñ se chalā gayā hai kahīñ

    aaj shamshān hai yahāñ

    kyā koī jism jal rahā hai kahīñ

    ham kisī ke nahīñ jahāñ ke sivā

    aisī vo ḳhaas baat kyā hai kahīñ

    mujhe DhūñD maiñ tujhe DhūñDūñ

    koī ham meñ se rah gayā hai kahīñ

    kitnī vahshat hai darmiyān-e-hujūm

    jis ko dekho gayā huā hai kahīñ

    maiñ to ab shahr meñ kahīñ bhī nahīñ

    kyā mirā naam bhī likhā hai kahīñ

    isī kamre se koī ho ke vidā.a

    isī kamre meñ chhup gayā hai kahīñ

    mil ke har shaḳhs se huā mahsūs

    mujh se ye shaḳhs mil chukā hai kahīñ

    abhi ek shor sa uTha hai kahin

    koi KHamosh ho gaya hai kahin

    hai kuchh aisa ki jaise ye sab kuchh

    is se pahle bhi ho chuka hai kahin

    tujh ko kya ho gaya ki chizon ko

    kahin rakhta hai DhunDhta hai kahin

    jo yahan se kahin na jata tha

    wo yahan se chala gaya hai kahin

    aaj shamshan ki si bu hai yahan

    kya koi jism jal raha hai kahin

    hum kisi ke nahin jahan ke siwa

    aisi wo KHas baat kya hai kahin

    tu mujhe DhunD main tujhe DhunDun

    koi hum mein se rah gaya hai kahin

    kitni wahshat hai darmiyan-e-hujum

    jis ko dekho gaya hua hai kahin

    main to ab shahr mein kahin bhi nahin

    kya mera nam bhi likha hai kahin

    isi kamre se koi ho ke widaa

    isi kamre mein chhup gaya hai kahin

    mil ke har shaKHs se hua mahsus

    mujh se ye shaKHs mil chuka hai kahin

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now