abhi is fikr se nikla nahin hun

abhī is fikr se niklā nahīñ huuñ

maiñ kyā huuñ aur āḳhir kyā nahīñ huuñ

mujhe tum mere mausam hī meñ paḌhnā

nisāb-e-nasl-e-ā.inda nahīñ huuñ

vafādārī kināroñ se jo badle

maiñ dariyāoñ kā vo rasta nahīñ huuñ

jo dil kī dhaḌkanoñ kī ham-navā hai

usī āvāz par palTā nahīñ huuñ

bahut se mas.ale haiñ zindagī meñ

magar tujh ko to maiñ bhūlā nahīñ huuñ

maiñ terī dastaras meñ to nahīñ thā

tire imkān meñ bhī kyā nahīñ huuñ

bahut sochā tire nazdīk aa kar

maiñ tere paas huuñ bhī yā nahīñ huuñ

jo duniyā tujh se vāqif hī nahīñ hai

maiñ us duniyā kā bāshinda nahīñ huuñ

abhi is fikr se nikla nahin hun

main kya hun aur aaKHir kya nahin hun

mujhe tum mere mausam hi mein paDhna

nisab-e-nasl-e-ainda nahin hun

wafadari kinaron se jo badle

main dariyaon ka wo rasta nahin hun

jo dil ki dhaDkanon ki ham-nawa hai

usi aawaz par palTa nahin hun

bahut se masale hain zindagi mein

magar tujh ko to main bhula nahin hun

main teri dastaras mein to nahin tha

tere imkan mein bhi kya nahin hun

bahut socha tere nazdik aa kar

main tere pas hun bhi ya nahin hun

jo duniya tujh se waqif hi nahin hai

main us duniya ka bashinda nahin hun