abhi KHamosh hain sholon ka andaza nahin hota

Muzaffar Razmi

abhi KHamosh hain sholon ka andaza nahin hota

Muzaffar Razmi

MORE BY Muzaffar Razmi

    abhī ḳhāmosh haiñ sholoñ andāza nahīñ hotā

    mirī bastī meñ hañgāmoñ andāza nahīñ hotā

    jidhar mahsūs ho ḳhushbū usī jānib baḌhe jaao

    añdherī raat meñ rastoñ andāza nahīñ hotā

    jo sadiyoñ kasak le kar guzar jaate haiñ duniyā se

    mo.arriḳh ko bhī un lamhoñ andāza nahīñ hotā

    ye rahbar haiñ ki rahzan haiñ masīhā haiñ ki qātil haiñ

    hameñ apne numā.indoñ andāza nahīñ hotā

    nazar ho laakh gahrī aur basīrat-āshnā phir bhī

    naqāboñ meñ kabhī chehroñ andāza nahīñ hotā

    zamīñ par aao phir dekho hamārī ahmiyat kyā hai

    bulandī se kabhī zarroñ andāza nahīñ hotā

    vafāoñ ke tasalsul se bhī aksar TuuT jaate haiñ

    mohabbat ke hasīñ rishtoñ andāza nahīñ hotā

    utar jaate haiñ ruuh o dil meñ kitnī vus.ateñ le kar

    ġhazal ke dilrubā lahjoñ andāza nahīñ hotā

    salīqe se sajānā ā.īnoñ ko varna ai 'razmī'

    ġhalat ruḳh ho to phir chehroñ andāza nahīñ hotā

    abhi KHamosh hain sholon ka andaza nahin hota

    meri basti mein hangamon ka andaza nahin hota

    jidhar mahsus ho KHushbu usi jaanib baDhe jao

    andheri raat mein raston ka andaza nahin hota

    jo sadiyon ki kasak le kar guzar jate hain duniya se

    moarriKH ko bhi un lamhon ka andaza nahin hota

    ye rahbar hain ki rahzan hain masiha hain ki qatil hain

    hamein apne numaindon ka andaza nahin hota

    nazar ho lakh gahri aur basirat-ashna phir bhi

    naqabon mein kabhi chehron ka andaza nahin hota

    zamin par aao phir dekho hamari ahmiyat kya hai

    bulandi se kabhi zarron ka andaza nahin hota

    wafaon ke tasalsul se bhi aksar TuT jate hain

    mohabbat ke hasin rishton ka andaza nahin hota

    utar jate hain ruh o dil mein kitni wusaten le kar

    ghazal ke dilruba lahjon ka andaza nahin hota

    saliqe se sajaana aainon ko warna ai 'razmi'

    ghalat ruKH ho to phir chehron ka andaza nahin hota

    RECITATIONS

    Nomaan Shauque

    Nomaan Shauque

    Nomaan Shauque

    abhi KHamosh hain sholon ka andaza nahin hota Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY