abhi to rah mein baqi hain imtihan bahut

abhī to raah meñ baaqī haiñ imtihān bahut

abhī to duur hai vo āḳhirī nishān bahut

zamīñ pe gir ke pashemāñ thā āsmān bahut

ki pastiyoñ ko bhī ‘azmat kā thā gumān bahut

ḳhud apne pairoñ pe vo peḌ jhuk gayā ik din

dikhā rahā thā jo duniyā ko ān-bān bahut

añdherī raat meñ sab ko panāh dī jis ne

chamaktī sub.h meñ tanhā thā vo makān bahut

saroñ pe saiñkaḌoñ sūraj hoñ aag barsāte

panāh lene ko bas ek sā.ebān bahut

abhi to rah mein baqi hain imtihan bahut

abhi to dur hai wo aaKHiri nishan bahut

zamin pe gir ke pasheman tha aasman bahut

ki pastiyon ko bhi ‘azmat ka tha guman bahut

KHud apne pairon pe wo peD jhuk gaya ek din

dikha raha tha jo duniya ko aan-ban bahut

andheri raat mein sab ko panah di jis ne

chamakti subh mein tanha tha wo makan bahut

saron pe sainkaDon suraj hon aag barsate

panah lene ko bas ek saeban bahut