abhi zamin ko sauda bahut saron ka hai
abhī zamīn ko saudā bahut saroñ kā hai
jamāv donoñ mahāzoñ pe lashkaroñ kā hai
kisī ḳhayāl kisī ḳhvāb ke sivā kyā haiñ
vo bastiyāñ ki jahāñ silsila gharoñ kā hai
ufuq pe jaane ye kyā shai tulū hotī hai
samāñ ajiib pur-asrār paikaroñ kā hai
ye shahr chhoḌ ke jaanā bhī mārka hogā
ajiib rabt imārat se pattharoñ kā hai
vo ek phuul jo bahtā hai satah-e-dariyā par
use ḳhabar hai ki kyā dukh shanāvaroñ kā hai
utar gayā hai vo dariyā jo thā chaḌhāo par
bas ab jamāv kināroñ pe pattharoñ kā hai
abhi zamin ko sauda bahut saron ka hai
jamaw donon mahazon pe lashkaron ka hai
kisi KHayal kisi KHwab ke siwa kya hain
wo bastiyan ki jahan silsila gharon ka hai
ufuq pe jaane ye kya shai tulu hoti hai
saman ajib pur-asrar paikaron ka hai
ye shahr chhoD ke jaana bhi marka hoga
ajib rabt imarat se pattharon ka hai
wo ek phul jo bahta hai satah-e-dariya par
use KHabar hai ki kya dukh shanawaron ka hai
utar gaya hai wo dariya jo tha chaDhao par
bas ab jamaw kinaron pe pattharon ka hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.