ada se dekh lo jata rahe gila dil ka

Arshad Ali Khan Qalaq

ada se dekh lo jata rahe gila dil ka

Arshad Ali Khan Qalaq

MORE BYArshad Ali Khan Qalaq

    adā se dekh lo jaatā rahe gila dil

    bas ik nigāh pe Thahrā hai faisla dil

    sitam vo tum ne kiye bhūle ham gila dil

    huā tumhāre bigaḌne se faisla dil

    bahār aate kunj-e-qafas nasīb huā

    hazār haif ki niklā na jo sila dil

    jo ye nishāna uḌā do to samjheñ tīr-fagan

    bahut hai nāvak-e-mizhgāñ se fāsla dil

    ilāhī ḳhair ho kuchh aaj rañg be-Dhab hai

    Tapak rahā hai ka.ī din se aabla dil

    chalā hai chhoḌ ke tanhā kidhar tasavvur-e-yār

    shab-e-firāq meñ thā tujh se mashġhala dil

    vo riñd huuñ ki mujhe hathkaḌī se bai.at hai

    balā hai gesū-e-jānāñ se silsila dil

    phirā jo kūcha-e-kākul se koī pūchheñge

    sunā hai luT gayā raste meñ qāfila dil

    ummīd-e-sub.h meñ kartā huuñ chaak dāman-e-shab

    junūñ meñ roz nikālā hai mashġhala dil

    vo zulm karte haiñ ham par to log kahte haiñ

    ḳhudā bure se na Daale mo.āmla dil

    hazār fasl-e-gul aa.e junūñ vo josh kahāñ

    gayā shabāb ke hamrāh valvala dil

    ḳhudā ke haath hai apnā ab ai 'qalaq' insāf

    butoñ se hashr meñ hogā muqābla dil

    ada se dekh lo jata rahe gila dil ka

    bas ek nigah pe Thahra hai faisla dil ka

    sitam wo tum ne kiye bhule hum gila dil ka

    hua tumhaare bigaDne se faisla dil ka

    bahaar aate hi kunj-e-qafas nasib hua

    hazar haif ki nikla na jo sila dil ka

    jo ye nishana uDa do to samjhen tir-fagan

    bahut hai nawak-e-mizhgan se fasla dil ka

    ilahi KHair ho kuchh aaj rang be-Dhab hai

    Tapak raha hai kai din se aabla dil ka

    chala hai chhoD ke tanha kidhar tasawwur-e-yar

    shab-e-firaq mein tha tujh se mashghala dil ka

    wo rind hun ki mujhe hathkaDi se baiat hai

    bala hai gesu-e-jaanan se silsila dil ka

    phira jo kucha-e-kakul se koi puchhenge

    suna hai luT gaya raste mein qafila dil ka

    ummid-e-subh mein karta hun chaak daman-e-shab

    junun mein roz nikala hai mashghala dil ka

    wo zulm karte hain hum par to log kahte hain

    KHuda bure se na Dale moamla dil ka

    hazar fasl-e-gul aae junun wo josh kahan

    gaya shabab ke hamrah walwala dil ka

    KHuda ke hath hai apna ab ai 'qalaq' insaf

    buton se hashr mein hoga muqabla dil ka

    Source
    • Mazhar-e-Ishq
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY