adawat hath ke patthar ko shishe se nibhani hai

'adāvat haath ke patthar ko shīshe se nibhānī hai

mire hī 'aks ko mujh se zarā sī bad-gumānī hai

guzārī hādse ke saath maiñ ne zindagī puurī

burī ik yaad mere zehn se mujh ko miTānī hai

mire sach bolne se sab ke sab hoñge ḳhafā yā'nī

mujhe nārāzgī ḳhāmosh rah kar hī jatānī hai

havāoñ kī sharārat dekh le ab ġhaur se tū bhī

inheñ bas phuul par baiThī huī titlī uḌānī hai

tirī tasvīr apne haath se maiñ ne banā.ī jo

mujhe vo rāt-din har roz siine se lagānī hai

nadī chāhat bharī jo kohsāroñ se lagī bahne

use to tishnagī khāre samundar kī bujhānī hai

'adawat hath ke patthar ko shishe se nibhani hai

mere hi 'aks ko mujh se zara si bad-gumani hai

guzari hadse ke sath main ne zindagi puri

buri ek yaad mere zehn se mujh ko miTani hai

mere sach bolne se sab ke sab honge KHafa ya'ni

mujhe naraazgi KHamosh rah kar hi jatani hai

hawaon ki shararat dekh le ab ghaur se tu bhi

inhen bas phul par baiThi hui titli uDani hai

teri taswir apne hath se main ne banai jo

mujhe wo raat-din har roz sine se lagani hai

nadi chahat bhari jo kohsaron se lagi bahne

use to tishnagi khaare samundar ki bujhani hai