adu ke zulm tumhaare itab dekhenge

'adū ke zulm tumhāre 'itāb dekheñge

dikhā.egā jo falak inqilāb dekheñge

banā banā ke sunā.eñge qissa-e-gesū

sunā sunā ke tire pech-o-tāb dekheñge

jaḌe haiñ kaun se ḳhurshīd-e-charḳh meñ taare

tumhāre ruḳh se haTā kar naqāb dekheñge

shikasta-pā.ī-e-himmat se hai yaqīn hameñ

bulandiyoñ meñ bhī pastī ke ḳhvāb dekheñge

laḌā.ī aañkh raqīboñ se nashsha-e-mai meñ

magar vo is kā natīja ḳharāb dekheñge

kahāñ bahisht bhalā vā’izo kahāñ ham tum

'azāb dekh rahe haiñ 'azāb dekheñge

sunegā kyā koī 'sultāñ' kā haal mahshar meñ

jidhar vo hoñge udhar shaiḳh-o-shāb dekheñge

'adu ke zulm tumhaare 'itab dekhenge

dikhaega jo falak inqilab dekhenge

bana bana ke sunaenge qissa-e-gesu

suna suna ke tere pech-o-tab dekhenge

jaDe hain kaun se KHurshid-e-charKH mein tare

tumhaare ruKH se haTa kar naqab dekhenge

shikasta-pai-e-himmat se hai yaqin hamein

bulandiyon mein bhi pasti ke KHwab dekhenge

laDai aankh raqibon se nashsha-e-mai mein

magar wo is ka natija KHarab dekhenge

kahan bahisht bhala wa’izo kahan hum tum

'azab dekh rahe hain 'azab dekhenge

sunega kya koi 'sultan' ka haal mahshar mein

jidhar wo honge udhar shaiKH-o-shab dekhenge