افسوس اہل عشق نہ اہل نظر ملے

افسوس اہل عشق نہ اہل نظر ملے

جو ہم سفر ملے وہ بلائے سفر ملے

دیوانگان عشق ملے جس قدر ہمیں

جامہ دریدہ خاک بسر چشم تر ملے

کس سے گلہ میں کاتب تقدیر کا کروں

نالے ملے تو وہ بھی مجھے بے اثر ملے

آیا نہیں جو کوئی تری بزم ناز میں

نقش قدم یہ کس کے سر رہگزر ملے

اس سے نہ پوچھ حال بہار چمن جسے

نے رنگ و بوئے گل ملے نے بال و پر ملے

نیت بخیر منزل مقصد قریب تھی

نا آشنائے راہ وفا راہبر ملے

جوہرؔ یہ رنگ بدلا سر منزل حیات

وہ راہزن تھے راہ میں جو راہبر ملے