agar hum na the gham uThane ke qabil

Mufti Sadruddin Aazurda

agar hum na the gham uThane ke qabil

Mufti Sadruddin Aazurda

MORE BYMufti Sadruddin Aazurda

    agar ham na the ġham uThāne ke qābil

    to kyuuñ hote duniyā meñ aane ke qābil

    karūñ chaak siina to sau baar lekin

    nahīñ daaġh dil ye dikhāne ke qābil

    mileñ tum se kyūñkar rahe nahīñ ham

    bulāne ke qābil na aane ke qābil

    chhuTe bhī qafas se to kis kaam ke haiñ

    nahīñ jab chaman tak bhī jaane ke qābil

    ba-juz us ke the ḳhaak pahle bhī ai charḳh

    na the ḳhaak meñ phir milāne ke qābil

    kiyā tark-e-duniyā maiñ jab to ye samjhe

    ki duniyā nahīñ dil lagāne ke qābil

    vo aa.e dam-e-naz.a kyā kah sakeñ

    nahīñ hoñT tak bhī hilāne ke qābil

    ḳhudāyā ye rañj aur ye nā-subūrī

    na the ham to is āzmāne ke qābil

    rahe ham na kuchh mustafā-ḳhāñ ke ġham meñ

    na fikr-e-suḳhan ne paḌhāne ke qābil

    na chhoḌeñge mahbūb-e-ilāhī ke dar ko

    nahīñ go ham is āstāne ke qābil

    hameñ qaid karne se kyā naf.a sayyād

    na the daam meñ ham to laane ke qābil

    na baal munaqqash na par-hā-e-rañgīñ

    na āvāz-e-ḳhush ke sunāne ke qābil

    hue haiñ vo nā-qqabiloñ meñ shumār ab

    jinheñ mānte the zamāne ke qābil

    vo 'āzurdā' jo ḳhush-bayāñ the nahīñ ab

    ishāre se bhī kuchh batāne ke qābil

    agar hum na the gham uThane ke qabil

    to kyun hote duniya mein aane ke qabil

    karun chaak sina to sau bar lekin

    nahin dagh dil ye dikhane ke qabil

    milen tum se kyunkar rahe hi nahin hum

    bulane ke qabil na aane ke qabil

    chhuTe bhi qafas se to kis kaam ke hain

    nahin jab chaman tak bhi jaane ke qabil

    ba-juz us ke the KHak pahle bhi ai charKH

    na the KHak mein phir milane ke qabil

    kiya tark-e-duniya main jab to ye samjhe

    ki duniya nahin dil lagane ke qabil

    wo aae dam-e-naza kya kah saken

    nahin honT tak bhi hilane ke qabil

    KHudaya ye ranj aur ye na-suburi

    na the hum to is aazmane ke qabil

    rahe hum na kuchh mustafa-KHan ke gham mein

    na fikr-e-suKHan ne paDhane ke qabil

    na chhoDenge mahbub-e-ilahi ke dar ko

    nahin go hum is aastane ke qabil

    hamein qaid karne se kya nafa sayyaad

    na the dam mein hum to lane ke qabil

    na baal munaqqash na par-ha-e-rangin

    na aawaz-e-KHush ke sunane ke qabil

    hue hain wo na-qqabilon mein shumar ab

    jinhen mante the zamane ke qabil

    wo 'azurda' jo KHush-bayan the nahin ab

    ishaare se bhi kuchh batane ke qabil

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY