agar ho chashm-e-haqiqat to dekh kya hun main

Gawwas Qureshi

agar ho chashm-e-haqiqat to dekh kya hun main

Gawwas Qureshi

MORE BYGawwas Qureshi

    agar ho chashm-e-haqīqat to dekh kyā huuñ maiñ

    fanā ke rañg meñ ik jauhar-e-baqā huuñ maiñ

    tilism-e-band se mushkil rihā.ī hai dil

    hisār-e-chashm-e-fusūñ-sāz meñ ghirā huuñ maiñ

    miTā miTā ke mujhe ek din miTā degā

    zamāna-sāz tirī chaal jāntā huuñ maiñ

    kamāl-e-ishq tasavvur hai auj par aisā

    tire jamāl ko har shai meñ dekhtā huuñ maiñ

    mirī talāsh meñ gum haiñ musāfirān-e-adam

    hudūd-e-vahm se aage nikal gayā huuñ maiñ

    talāsh jis hai har ik ko maiñ vo manzil huuñ

    jo tai na kar sake koī vo marhala huuñ maiñ

    talāsh jis mujhe kho chukī hai ai 'ġhavvās'

    usī ko bahr-e-tahayyur meñ DhūñDhtā huuñ maiñ

    agar ho chashm-e-haqiqat to dekh kya hun main

    fana ke rang mein ek jauhar-e-baqa hun main

    tilism-e-band se mushkil rihai hai dil ki

    hisar-e-chashm-e-fusun-saz mein ghira hun main

    miTa miTa ke mujhe ek din miTa dega

    zamana-saz teri chaal jaanta hun main

    kamal-e-ishq tasawwur hai auj par aisa

    tere jamal ko har shai mein dekhta hun main

    meri talash mein gum hain musafiran-e-adam

    hudud-e-wahm se aage nikal gaya hun main

    talash jis ki hai har ek ko main wo manzil hun

    jo tai na kar sake koi wo marhala hun main

    talash jis ki mujhe kho chuki hai ai 'ghawwas'

    usi ko bahr-e-tahayyur mein DhunDhta hun main

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY