agar mausam suhana chahiye tha

agar mausam suhānā chāhiye thā

tumheñ bārish meñ aanā chāhiye thā

añdheroñ kā agar thā ḳhauf dil meñ

tumheñ sūraj ugānā chāhiye thā

tumhārī yaad aa.e be-sabab kyoñ

ġhazal ko to bahāna chāhiye thā

masal kar phuul āḳhir mil gayā kyā

hamārā ḳhuuñ bahānā chāhiye thā

chhupā mat ḳhaak meñ aañsū girā kar

samundar ko dikhānā chāhiye thā

amīr-e-shahr barham is liye hai

use ḳhātir meñ laanā chāhiye thā

agar haq baat kī tā.īd kī thī

falak sar par uThānā chāhiye thā

agarche ḳhaar rāh-e-'ishq meñ the

tumheñ chalnā bhī aanā chāhiye thā

banā kar aa.ina kyoñ zulm Dhāyā

hameñ patthar banānā chāhiye thā

sitāre TūTte rahte haiñ ḳhud hī

falak se chāñd laanā chāhiye thā

agar mausam suhana chahiye tha

tumhein barish mein aana chahiye tha

andheron ka agar tha KHauf dil mein

tumhein suraj ugana chahiye tha

tumhaari yaad aae be-sabab kyon

ghazal ko to bahana chahiye tha

masal kar phul aaKHir mil gaya kya

hamara KHun bahana chahiye tha

chhupa mat KHak mein aansu gira kar

samundar ko dikhana chahiye tha

amir-e-shahr barham is liye hai

use KHatir mein lana chahiye tha

agar haq baat ki taid ki thi

falak sar par uThana chahiye tha

agarche KHar rah-e-'ishq mein the

tumhein chalna bhi aana chahiye tha

bana kar aaina kyon zulm Dhaya

hamein patthar banana chahiye tha

sitare TuTte rahte hain KHud hi

falak se chand lana chahiye tha