agar mohabbat ke muddai ho to ye rawayya rawa nahin hai

agar mohabbat ke mudda.ī ho to ye ravayya ravā nahīñ hai

jo shikva hai rū-ba-rū nahīñ hai jo baat hai barmalā nahīñ hai

ye roz-e-tajdīd-e-ahd-e-ulfat ye roz paimān-e-dil-navāzī

hazār taslīm kar rahā huuñ magar yaqīn-e-vafā nahīñ hai

hai tere kāfir-shabāb se ḳhuub merī ma.asūm mai-gusārī

surūr kī ek had hai qaa.em ġhurūr kī intihā nahīñ hai

ajab nahīñ zahmat-e-vafā se mujhe kisī din najāt de de

yahī mirī be-zabāñ mohabbat jo dar-ḳhur-e-e'tinā nahīñ hai

na jaane kis kis se dil lagā kar vafā se māyūs ho chukā huuñ

nazar pareshān-e-shash-jihat hai koī bhī dard-āshnā nahīñ hai

jatā ke majbūrī-e-mohabbat umīd-e-mehr-o-vafā ke ma.anī

maiñ ḳhud huuñ apnā sukūn-e-dushman kisī kī koī ḳhatā nahīñ hai

bajā bajā be-shumār aariz nazar nazar ko taras rahe haiñ

magar ye dil kā mo.āmla hai nigāh kā vāsta nahīñ hai

agar mohabbat ke muddai ho to ye rawayya rawa nahin hai

jo shikwa hai ru-ba-ru nahin hai jo baat hai barmala nahin hai

ye roz-e-tajdid-e-ahd-e-ulfat ye roz paiman-e-dil-nawazi

hazar taslim kar raha hun magar yaqin-e-wafa nahin hai

hai tere kafir-shabab se KHub meri masum mai-gusari

surur ki ek had hai qaem ghurur ki intiha nahin hai

ajab nahin zahmat-e-wafa se mujhe kisi din najat de de

yahi meri be-zaban mohabbat jo dar-KHur-e-e'tina nahin hai

na jaane kis kis se dil laga kar wafa se mayus ho chuka hun

nazar pareshan-e-shash-jihat hai koi bhi dard-ashna nahin hai

jata ke majburi-e-mohabbat umid-e-mehr-o-wafa ke mani

main KHud hun apna sukun-e-dushman kisi ki koi KHata nahin hai

baja baja be-shumar aariz nazar nazar ko taras rahe hain

magar ye dil ka moamla hai nigah ka wasta nahin hai