agar sach ho gai meri dua to

agar sach ho ga.ī merī du'ā to

achānak vo kahīñ mil hī gayā to

palaTne kī ijāzat to nahīñ hai

magar dene lagā koī sadā to

vo ḳhud bhī der tak rotā rahegā

agar us ne mujhe rone diyā to

yahī hai zindagī-bhar kā asāsa

agar ye zaḳhm bhī bharne lagā to

tasavvur se laraz jaatā huuñ jis ke

agar us ko kisī din dekhtā to

mujhe mā'lūm haiñ ādāb-e-ulfat

magar ho hī ga.ī koī ḳhatā to

mudāvā to nahīñ mumkin thā koī

magar vo haal merā pūchhtā to

agar sach ho gai meri du'a to

achanak wo kahin mil hi gaya to

palaTne ki ijazat to nahin hai

magar dene laga koi sada to

wo KHud bhi der tak rota rahega

agar us ne mujhe rone diya to

yahi hai zindagi-bhar ka asasa

agar ye zaKHm bhi bharne laga to

tasawwur se laraz jata hun jis ke

agar us ko kisi din dekhta to

mujhe ma'lum hain aadab-e-ulfat

magar ho hi gai koi KHata to

mudawa to nahin mumkin tha koi

magar wo haal mera puchhta to