agar wo apne hasin chehre ko bhul kar be-naqab kar de

Akhtar Shirani

agar wo apne hasin chehre ko bhul kar be-naqab kar de

Akhtar Shirani

MORE BYAkhtar Shirani

    agar vo apne hasīn chehre ko bhuul kar be-naqāb kar de

    to zarre ko māhtāb aur māhtāb ko āftāb kar de

    tirī mohabbat vādiyoñ meñ mirī javānī se duur kyā hai

    jo saada paanī ko ik nashīlī nazar meñ rañgīñ sharāb kar de

    harīm-e-ishrat meñ sone vaale shamīm-e-gesū mastiyoñ se

    mirī javānī saada rātoñ ko ab to sarshār ḳhvāb kar de

    maze vo paa.e haiñ aarzū meñ ki dil ye aarzū hai yārab

    tamām duniyā ārzūeñ mire liye intiḳhāb kar de

    nazar aane pe hai ye hālat ki jañg hai shaiḳh-o-barahman meñ

    ḳhabar nahīñ kyā se kyā ho duniyā jo ḳhud ko vo be-naqāb kar de

    mire gunāhoñ shorisheñ is liye ziyāda rahī haiñ yārab

    ki in gustāḳhiyoñ se apne afv ko be-hisāb kar de

    ḳhudā na laa.e vo din ki terī sunahrī nīndoñ meñ farq aa.e

    mujhe to yuuñ apne hijr meñ umr bhar ko bezār-e-ḳhvāb kar de

    maiñ jān-o-dil se tasavvur-e-husn-e-dost mastiyoñ ke qurbāñ

    jo ik nazar meñ kisī ke be-kaif āñsuoñ ko sharāb kar de

    urūs-e-fitrat ek khoyā huā tabassum hai jis ko 'aḳhtar'

    kahīñ vo chāhe sharāb kar de kahīñ vo chāhe shabāb kar de

    agar wo apne hasin chehre ko bhul kar be-naqab kar de

    to zarre ko mahtab aur mahtab ko aaftab kar de

    teri mohabbat ki wadiyon mein meri jawani se dur kya hai

    jo sada pani ko ek nashili nazar mein rangin sharab kar de

    harim-e-ishrat mein sone wale shamim-e-gesu ki mastiyon se

    meri jawani ki sada raaton ko ab to sarshaar KHwab kar de

    maze wo pae hain aarzu mein ki dil ki ye aarzu hai yarab

    tamam duniya ki aarzuen mere liye intiKHab kar de

    nazar na aane pe hai ye haalat ki jang hai shaiKH-o-barahman mein

    KHabar nahin kya se kya ho duniya jo KHud ko wo be-naqab kar de

    mere gunahon ki shorishen is liye ziyaada rahi hain yarab

    ki in ki gustaKHiyon se tu apne afw ko be-hisab kar de

    KHuda na lae wo din ki teri sunahri nindon mein farq aae

    mujhe to yun apne hijr mein umr bhar ko bezar-e-KHwab kar de

    main jaan-o-dil se tasawwur-e-husn-e-dost ki mastiyon ke qurban

    jo ek nazar mein kisi ke be-kaif aansuon ko sharab kar de

    urus-e-fitrat ka ek khoya hua tabassum hai jis ko 'aKHtar'

    kahin wo chahe sharab kar de kahin wo chahe shabab kar de

    Source:

    • Book : Kulliyat-e-Akhtar shirani (Pg. 262)
    • Author : Gopal Mittal
    • Publication : Modern Publishing House (1997)
    • Edition : 1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY