agarche mulk mein gunge bahut hain

agarche mulk meñ gūñge bahut haiñ

zabāñ vaale magar sachche bahut haiñ

yahāñ mahfil meñ jo hañste bahut haiñ

akele meñ vahī rote bahut haiñ

mohabbat ke liye maazī ko paḌhnā

purāne daur ke qisse bahut haiñ

taraqqī ḳhaak us country kī hogī

jahāñ dañge sadā hote bahut haiñ

abhī se dhuup meñ jalne lage ho

abhī to shāḳh par patte bahut haiñ

chalo fōtpath par tum ko dikhā duuñ

yahāñ nange yahāñ bhūke bahut haiñ

ḳhudā kī maslahat bhī dīdanī hai

ġharīboñ ke yahāñ bachche bahut haiñ

maiñ e v m nahīñ jo saath dūñgā

maiñ kaise kah duuñ din achchhe bahut haiñ

tumhārī ḳhūbiyāñ zāhir haiñ 'rahbar'

tumhāre naam ke charche bahut haiñ

agarche mulk mein gunge bahut hain

zaban wale magar sachche bahut hain

yahan mahfil mein jo hanste bahut hain

akele mein wahi rote bahut hain

mohabbat ke liye mazi ko paDhna

purane daur ke qisse bahut hain

taraqqi KHak us country ki hogi

jahan dange sada hote bahut hain

abhi se dhup mein jalne lage ho

abhi to shaKH par patte bahut hain

chalo footpath par tum ko dikha dun

yahan nange yahan bhuke bahut hain

KHuda ki maslahat bhi didani hai

gharibon ke yahan bachche bahut hain

main e w m nahin jo sath dunga

main kaise kah dun din achchhe bahut hain

tumhaari KHubiyan zahir hain 'rahbar'

tumhaare nam ke charche bahut hain