اگرچہ ملک میں گونگے بہت ہیں

اگرچہ ملک میں گونگے بہت ہیں

زباں والے مگر سچے بہت ہیں

یہاں محفل میں جو ہنستے بہت ہیں

اکیلے میں وہی روتے بہت ہیں

محبت کے لئے ماضی کو پڑھنا

پرانے دور کے قصے بہت ہیں

ترقی خاک اس کنٹری کی ہوگی

جہاں دنگے سدا ہوتے بہت ہیں

ابھی سے دھوپ میں جلنے لگے ہو

ابھی تو شاخ پر پتے بہت ہیں

چلو فٹ پاتھ پر تم کو دکھا دوں

یہاں ننگے یہاں بھوکے بہت ہیں

خدا کی مصلحت بھی دیدنی ہے

غریبوں کے یہاں بچے بہت ہیں

میں ای وی ایم نہیں جو ساتھ دوں گا

میں کیسے کہہ دوں دن اچھے بہت ہیں

تمہاری خوبیاں ظاہر ہیں رہبرؔ

تمہارے نام کے چرچے بہت ہیں