ahl-e-wafa ke waste rah-e-wafa banai thi

ahl-e-vafā ke vāste rāh-e-vafā banā.ī thī

maiñ vo huuñ jis ne shahr kī āb-o-havā banā.ī thī

varna to bazm-e-'ishq meñ rasm-e-kalām hī na thī

maiñ ne tumhāre vāste phir bhī sadā banā.ī thī

mujh ko chamak se 'ishq thā us ko thī tīrgī pasand

maiñ ne diyā banā liyā us ne havā banā.ī thī

shikva hī kyā ho ġhair se jis ko koī ḳhabar na thī

tum to the dard-āshnā tum ne davā banā.ī thī

sadqe meñ us tabīb ke jis ne kabhī mire liye

ḳhāk-e-dar-e-habīb se ḳhāk-e-shifā banā.ī thī

maiñ ne zamīñ ke haath ko beloñ se bhar diyā 'hayā'

maiñ ne lahū kī dhaar se taaza hinā banā.ī thī

ahl-e-wafa ke waste rah-e-wafa banai thi

main wo hun jis ne shahr ki aab-o-hawa banai thi

warna to bazm-e-'ishq mein rasm-e-kalam hi na thi

main ne tumhaare waste phir bhi sada banai thi

mujh ko chamak se 'ishq tha us ko thi tirgi pasand

main ne diya bana liya us ne hawa banai thi

shikwa hi kya ho ghair se jis ko koi KHabar na thi

tum to the dard-ashna tum ne dawa banai thi

sadqe mein us tabib ke jis ne kabhi mere liye

KHak-e-dar-e-habib se KHak-e-shifa banai thi

main ne zamin ke hath ko belon se bhar diya 'haya'

main ne lahu ki dhaar se taza hina banai thi