ai hawa-e-dayar-e-dard-o-malal

ai havā-e-dayār-e-dard-o-malāl

marhabā marhabā ta'āl ta'āl

lafz gum-sum haiñ aur in meñ hai ġham

merī ḳhāmoshiyoñ kā jāh-o-jalāl

'aql se kasb-eأraushnī kar ke

mulk-e-dil ho gayā hai rū-ba-zavāl

tū bhī us meñ hai terī duniyā bhī

kitnā gahrā hai soch kā pātāl

pakkī saḌkoñ pe yaad aatā hai

kachche rastoñ kā sabza-e-pāmāl

kis pe ab hai chinār kā saaya

ibn-e-jīrāninā-o-kaifal-hāl

khol dīvān-e-hāfiz-e-shīrāz

faal tū ab rafīq-e-rāz nikāl

ai hawa-e-dayar-e-dard-o-malal

marhaba marhaba ta'al ta'al

lafz gum-sum hain aur in mein hai gham

meri KHamoshiyon ka jah-o-jalal

'aql se kasb-eأraushni kar ke

mulk-e-dil ho gaya hai ru-ba-zawal

tu bhi us mein hai teri duniya bhi

kitna gahra hai soch ka patal

pakki saDkon pe yaad aata hai

kachche raston ka sabza-e-pamal

kis pe ab hai chinar ka saya

ibn-e-jiranina-o-kaifal-haal

khol diwan-e-hafiz-e-shiraaz

fal tu ab rafiq-e-raaz nikal