ai jazb-e-mohabbat tū hī batā kyūñkar na asar le dil hī to hai
sīdhī bhī chhurī TeḌhī bhī chhurī dil-doz nazar qātil hī to hai
jab huuk uThegī taḌpegā insāf na chhoḌo dil hī to hai
nā-chand thakan kā sabr-o-sukūñ bismil āḳhir bismil hī to hai
tūfān-e-balā kī maujoñ meñ kiiñ band āñkheñ aur phāñd paḌe
kashtī ne jahāñ Takkar khaa.ī dil bol uThā sāhil hī to hai
hai zarf yahāñ kis kā kitnā dil bas hai usī kā paimāna
ronā bhī burā hañsnā bhī burā jo baat hai vo mushkil hī to hai
nā-ḳhush hai to kyā hai ḳhush hai to kyā jaisā bhī sahī hai tū apnā
ye saath nahīñ chhuTne vaalā be-kas kā sahārā dil hī to hai
haiñ maut ke is jiine meñ maze ġham jis ko na ho vo kyā samjhe
jab sābit karte ban na paḌe jo da.avā hai bātil hī to hai
thī ḳhizr-e-tarīq uftād yahāñ aur sañg-e-havādis sañg-e-nishāñ
had rāh-e-talab kī aa ga.ī haañ jaatā hai kahāñ manzil hī to hai
dukh de ke ulTe denā kyā fariyād natīja hai ġham kā
jab Thes lagī shīsha Thankā patthar na samajhiye dil hī to hai
aap 'ārzū' ab ḳhāmosh raheñ kuchh achchhī burī khul kar na kaheñ
haiñ jitne muñh itnī bāteñ mahfil āḳhir mahfil hī to hai
ai jazb-e-mohabbat tu hi bata kyunkar na asar le dil hi to hai
sidhi bhi chhuri TeDhi bhi chhuri dil-doz nazar qatil hi to hai
jab huk uThegi taDpega insaf na chhoDo dil hi to hai
na-chand thakan ka sabr-o-sukun bismil aaKHir bismil hi to hai
tufan-e-bala ki maujon mein kin band aankhen aur phand paDe
kashti ne jahan Takkar khai dil bol uTha sahil hi to hai
hai zarf yahan kis ka kitna dil bas hai usi ka paimana
rona bhi bura hansna bhi bura jo baat hai wo mushkil hi to hai
na-KHush hai to kya hai KHush hai to kya jaisa bhi sahi hai tu apna
ye sath nahin chhuTne wala be-kas ka sahaara dil hi to hai
hain maut ke is jine mein maze gham jis ko na ho wo kya samjhe
jab sabit karte ban na paDe jo dawa hai baatil hi to hai
thi KHizr-e-tariq uftad yahan aur sang-e-hawadis sang-e-nishan
had rah-e-talab ki aa gai han jata hai kahan manzil hi to hai
dukh de ke ulTe dena kya fariyaad natija hai gham ka
jab Thes lagi shisha Thanka patthar na samajhiye dil hi to hai
aap 'arzu' ab KHamosh rahen kuchh achchhi buri khul kar na kahen
hain jitne munh itni baaten mahfil aaKHir mahfil hi to hai
Source:
Nishaan-e-Aarzu (Pg. ebook-173 page-163)
-
Author:
Anwar Husain Arzoo
-
- Year of Publication: 1968
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.