ai mere shahr-e-ishq tera kaisa baKHt hai

ai mere shahr-e-ishq tirā kaisā baḳht hai

maiñ jis ko dekhtā huuñ vahī laḳht laḳht hai

ḳhush ho rahā huuñ is liye miTTī pe baiTh kar

yaaro yahī zamīn mirā pahlā taḳht hai

chhāñv kī justujū bhī kahāñ le ke aa ga.ī

sahrā se pūchhtā huuñ kahīñ par daraḳht hai

duniyā mire mizāj ko samjhī nahīñ abhī

shāyad isī liye merā lahja karaḳht hai

ik pal meñ kaise niklūñ maiñ duniyā sameT kar

saarī zamīñ pe bikhrā huā merā raḳht hai

'ehsān' vo to phuul se nāzuk lagā mujhe

maiñ to samajh rahā thā vo patthar se saḳht hai

ai mere shahr-e-ishq tera kaisa baKHt hai

main jis ko dekhta hun wahi laKHt laKHt hai

KHush ho raha hun is liye miTTi pe baiTh kar

yaro yahi zamin mera pahla taKHt hai

chhanw ki justuju bhi kahan le ke aa gai

sahra se puchhta hun kahin par daraKHt hai

duniya mere mizaj ko samjhi nahin abhi

shayad isi liye mera lahja karaKHt hai

ek pal mein kaise niklun main duniya sameT kar

sari zamin pe bikhra hua mera raKHt hai

'ehsan' wo to phul se nazuk laga mujhe

main to samajh raha tha wo patthar se saKHt hai