ain mumkin hai meri baat zara si nikle

ain mumkin hai mirī baat zarā sī nikle

koī tasvīr mire dil se tumhārī nikle

aaj āñgan meñ tire hijr kā sūraj niklā

aaj mumkin hai mire zaḳhm se kirchī nikle

us ne is shart pe rone kī ijāzat dī hai

aah nikle na laboñ se koī siskī nikle

jāñ-kanī vo ki farishte bhī panāheñ māñge

aap aa.eñ to mirī āḳhirī hichkī nikle

aise niklā hai mire baḳht kā taarā dekho

haath se TuuT ke beva ke jyuuñ chūḌī nikle

koī aa.e mire jiine kā sahārā ban kar

shāḳh se phuuT ke koñpal koī aisī nikle

aaj phir dil meñ tire diid kī hasrat jaagī

kaash phir kaam koī tujh se zarūrī nikle

ain mumkin hai meri baat zara si nikle

koi taswir mere dil se tumhaari nikle

aaj aangan mein tere hijr ka suraj nikla

aaj mumkin hai mere zaKHm se kirchi nikle

us ne is shart pe rone ki ijazat di hai

aah nikle na labon se koi siski nikle

jaan-kani wo ki farishte bhi panahen mange

aap aaen to meri aaKHiri hichki nikle

aise nikla hai mere baKHt ka tara dekho

hath se TuT ke bewa ke jyun chuDi nikle

koi aae mere jine ka sahaara ban kar

shaKH se phuT ke konpal koi aisi nikle

aaj phir dil mein tere did ki hasrat jagi

kash phir kaam koi tujh se zaruri nikle