ایسا غم ہے کہ جو کر دے گا مرے بال سفید

ایسا غم ہے کہ جو کر دے گا مرے بال سفید

اور وحشت بھی کچھ ایسی کہ ہوئے گال سفید

میں نے پتھرائی ہوئی آنکھ سے امبر دیکھا

آن کی آن ہوا تاروں بھرا تھال سفید

لاش اس شخص نے محنت سے بنایا مجھ کو

سرخ چادر کو مرے سر سے ہٹا ڈال سفید

اور پھر نیلا ہوا سارے کا سارا منظر

میں نے دیکھا تھا کسی پھول پہ رومال سفید

اجنبی بنتا ہے کیسے کوئی اپنا پل میں

کیسے ہوتا ہے گھڑی بھر میں لہو لال سفید

کالے کوے تو بہت جھوٹی خبر دیتے ہیں

تو کبوتر کئی پیغام رسا پال سفید

ہائے ان پھولوں نے کھا لی مرے گھر کی رونق

پھول بھیجے گئے تحفے میں تو ہر سال سفید