aisa hua nahin hai par aisa na ho kahin
aisā huā nahīñ hai par aisā na ho kahīñ
us ne mujhe na dekh ke dekhā na ho kahīñ
qadmoñ kī chaap der se aatī hai kaan meñ
koī mire ḳhayāl meñ phirtā na ho kahīñ
sankī huī havāoñ meñ ḳhushbū kī aañch hai
pattoñ meñ koī phuul dahaktā na ho kahīñ
ye kaun jhāñktā hai kivāḌoñ kī oT se
battī bujhā ke dekh saverā na ho kahīñ
'alvī' ḳhudā ke vāste ghar meñ paḌe raho
bāhar na jaao phir koī jhagḌā na ho kahīñ
aisa hua nahin hai par aisa na ho kahin
us ne mujhe na dekh ke dekha na ho kahin
qadmon ki chap der se aati hai kan mein
koi mere KHayal mein phirta na ho kahin
sanki hui hawaon mein KHushbu ki aanch hai
patton mein koi phul dahakta na ho kahin
ye kaun jhankta hai kiwaDon ki oT se
batti bujha ke dekh sawera na ho kahin
'alwi' KHuda ke waste ghar mein paDe raho
bahar na jao phir koi jhagDa na ho kahin
Source:
Funoon(Jadeed Ghazal Number: Volume-002) (Pg. 901)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
