aise mein roz roz koi DhunDta mujhe

aise meñ roz roz koī DhūñDtā mujhe

āvāz de rahī thī udhar kī havā mujhe

aisā huā ki ghar se na niklā tamām din

jaise ki ḳhud se aaj koī kaam thā mujhe

parde ke ās-pās koī baaġh hī na ho

khiḌkī khulī to phuul kā dhokā huā mujhe

ye peḌ jis pe phuul na pattī na Tahniyāñ

das biis saal ba.ad jo ḳhud sā lagā mujhe

maiñ aaj bhī vahī huuñ vafā thī jise aziiz

fursat mile to aa ke kabhī dekh jā mujhe

āñkhoñ meñ dil utar paḌā ā.īna dekh kar

aayā thā ik ḳhayāl bahut duur kā mujhe

ye fikr aa paḌī hai ki badle ga.e na hoñ

saa.e se kah rahā huuñ zarā dekhnā mujhe

kahte haiñ yār-dost agar bevafā kaheñ

ai 'ashk' āñsuoñ ne bhī kyā de diyā mujhe

aise mein roz roz koi DhunDta mujhe

aawaz de rahi thi udhar ki hawa mujhe

aisa hua ki ghar se na nikla tamam din

jaise ki KHud se aaj koi kaam tha mujhe

parde ke aas-pas koi bagh hi na ho

khiDki khuli to phul ka dhoka hua mujhe

ye peD jis pe phul na patti na Tahniyan

das bis sal baad jo KHud sa laga mujhe

main aaj bhi wahi hun wafa thi jise aziz

fursat mile to aa ke kabhi dekh ja mujhe

aankhon mein dil utar paDa aaina dekh kar

aaya tha ek KHayal bahut dur ka mujhe

ye fikr aa paDi hai ki badle gae na hon

sae se kah raha hun zara dekhna mujhe

kahte hain yar-dost agar bewafa kahen

ai 'ashk' aansuon ne bhi kya de diya mujhe