aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aish ke rang malalon se dabe jate hain

Muztar Khairabadi

aish ke rang malalon se dabe jate hain

Muztar Khairabadi

MORE BYMuztar Khairabadi

    aish ke rañg malāloñ se dabe jaate haiñ

    ab to ham apne hāloñ se dabe jaate haiñ

    paañv rakhnā mujhe sahrā meñ bhī dushvār hai ab

    saare kāñTe mire chhāloñ se dabe jaate haiñ

    tauba tauba vo mire ḳhvāb meñ kyā ā.eñge

    jāgte meñ jo ḳhayāloñ se dabe jaate haiñ

    allāh allāh nazākat tire ruḳhsāroñ

    itne nāzuk haiñ ki khāloñ se dabe jaate haiñ

    hai koThe pe to katrā ke nikaltī hai ghaTā

    kaale bādal tire bāloñ se dabe jaate haiñ

    kyā dabā.eñge ubhar kar tire joban zālim

    ye to ḳhud dekhne vāloñ se dabe jaate haiñ

    un ko ai shauq-e-talab chheḌ ke mahjūb na kar

    jo mohabbat ke ḳhayāloñ se dabe jaate haiñ

    be-tarah bār-e-mohabbat to paḌā hai un par

    aap kyuuñ chāhne vāloñ se dabe jaate haiñ

    baar huuñ dīda-e-arbāb-e-suḳhan par 'muztar'

    mudda.ī mere kamāloñ se dabe jaate haiñ

    aish ke rang malalon se dabe jate hain

    ab to hum apne hi haalon se dabe jate hain

    panw rakhna mujhe sahra mein bhi dushwar hai ab

    sare kanTe mere chhaalon se dabe jate hain

    tauba tauba wo mere KHwab mein kya aaenge

    jagte mein jo KHayalon se dabe jate hain

    allah allah ri nazakat tere ruKHsaron ki

    itne nazuk hain ki khaalon se dabe jate hain

    tu hai koThe pe to katra ke nikalti hai ghaTa

    kale baadal tere baalon se dabe jate hain

    kya dabaenge ubhar kar tere joban zalim

    ye to KHud dekhne walon se dabe jate hain

    un ko ai shauq-e-talab chheD ke mahjub na kar

    jo mohabbat ke KHayalon se dabe jate hain

    be-tarah bar-e-mohabbat to paDa hai un par

    aap kyun chahne walon se dabe jate hain

    bar hun dida-e-arbab-e-suKHan par 'muztar'

    muddai mere kamalon se dabe jate hain

    Source:

    Khirman (Part-1) (Pg. 219)

    • Author: Muztar Khairabadi
      • Edition: 2015
      • Publisher: Javed Akhtar
      • Year of Publication: 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now