aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aisi hui sarsabz-shikayat ki kaDi baat

Muneer Shikohabadi

aisi hui sarsabz-shikayat ki kaDi baat

Muneer Shikohabadi

MORE BYMuneer Shikohabadi

    aisī huī sarsabz-shikāyat kaḌī baat

    sabze tarah kaan meñ us gul paḌī baat

    kyūñkar dahan-e-tañg se zāhir ho kaḌī baat

    muñh aap chhoTā hai na niklegī baḌī baat

    gul-rañg tire hoñTh hue bār-e-suḳhan se

    ai jaan uḌā le ga.ī missī dhaḌī baat

    tere suḳhan-e-saḳht meñ hai husn-e-nazākat

    kānoñ ko huī pamba-e-mahtāb kaḌī baat

    is pech se tum mujh ko uḌāte ho dam-e-nutq

    zanjīr-e-ram-e-hosh bantī hai kaḌī baat

    taqrīr tirī shāḳh-e-gul-e-tāza hai ai mast

    detī hai kaf-e-bāda meñ phūloñ chhaḌī baat

    vasf-e-dur-e-dandāñ se ye baḌh jaate haiñ rutbe

    rag rag ko banā detī hai motī laḌī baat

    har kaan huā hai sabad-e-gul se ziyāda

    kyā phuul ke mānind tire muñh se jhaḌī baat

    dhotā hai suḳhan dil se ġhubār-e-ġham-e-duniyā

    hai gard-e-alam ke liye sāvan jhaḌī baat

    kyā mohr banā.ī tire yāqūt-e-suḳhan

    mānind-e-nagīñ ham ne añgūThī meñ jaḌī baat

    naqd-e-suḳhan-e-pāk diyā gard-e-qalaq meñ

    ganjīne ke mānind tah-e-ḳhāk gaḌī baat

    jis roz maiñ gintā huuñ tire aane ghaḌiyāñ

    sūraj ko banā detī hai sone ghaḌī baat

    ustād ke ehsān kar shukr 'munīr' aaj

    ahl-e-suḳhan ne tirī tārīf baḌī baat

    aisi hui sarsabz-shikayat ki kaDi baat

    sabze ki tarah kan mein us gul ki paDi baat

    kyunkar dahan-e-tang se zahir ho kaDi baat

    munh aap ka chhoTa hai na niklegi baDi baat

    gul-rang tere honTh hue bar-e-suKHan se

    ai jaan uDa le gai missi ki dhaDi baat

    tere suKHan-e-saKHt mein hai husn-e-nazakat

    kanon ko hui pamba-e-mahtab kaDi baat

    is pech se tum mujh ko uDate ho dam-e-nutq

    zanjir-e-ram-e-hosh ki banti hai kaDi baat

    taqrir teri shaKH-e-gul-e-taza hai ai mast

    deti hai kaf-e-baada mein phulon ki chhaDi baat

    wasf-e-dur-e-dandan se ye baDh jate hain rutbe

    rag rag ko bana deti hai moti ki laDi baat

    har kan hua hai sabad-e-gul se ziyaada

    kya phul ke manind tere munh se jhaDi baat

    dhota hai suKHan dil se ghubar-e-gham-e-duniya

    hai gard-e-alam ke liye sawan ki jhaDi baat

    kya mohr banai tere yaqut-e-suKHan ki

    manind-e-nagin hum ne anguThi mein jaDi baat

    naqd-e-suKHan-e-pak diya gard-e-qalaq mein

    ganjine ke manind tah-e-KHak gaDi baat

    jis roz main ginta hun tere aane ki ghaDiyan

    suraj ko bana deti hai sone ki ghaDi baat

    ustad ke ehsan ka kar shukr 'munir' aaj

    ki ahl-e-suKHan ne teri tarif baDi baat

    Source:

    Muntakhabul-Alam (Pg. 100)

    • Author: Muneer Shikohabadi
      • Edition: 1831
      • Publisher: Matba Saeedi
      • Year of Publication: 1848
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now