ایسی نگاہ عشق مرے دل پے ڈال دے

ایسی نگاہ عشق مرے دل پے ڈال دے

میرے وجود کو جو مسلسل جمال دے

جس سے دکھائی دے مجھے ہر سمت تو ہی تو

یا رب مری نظر میں کچھ ایسا اجال دے

میرے تصورات میں قابض ہو صرف تو

ہر لمحہ ذہن و دل میں تو اپنا خیال دے

محسوس ہجر میں بھی مجھے ساتھ ہو ترا

گر تو وصال دے تو کچھ ایسا وصال دے

شدت دے عشق میں مجھے ایسی کہ یہ جہاں

ہر عشق کی مثال میں میری مثال دے

ہو تجھ سے گفتگو مری ہر نظم و نثر میں

میرے تخیلات میں ایسا کمال دے

سن تیری آرزو میں نہ بھٹکوں میں اس لئے

تو اپنے آپ کو مرے دل میں بٹھال دے