ajab ek baat uski baat mein thi

Khalid Mahmood Zaki

ajab ek baat uski baat mein thi

Khalid Mahmood Zaki

MORE BYKhalid Mahmood Zaki

    ajab ik baat us baat meñ thī

    ki ḳhushbū peḌ ke har paat meñ thī

    tumheñ ham se mohabbat gilā thā

    mohabbat kab hamāre haath meñ thī

    ye aise the ki ḳhush aate bahut the

    koī ḳhushbū inhī din raat meñ thī

    ajab mausam tumhāre ba.ad aa.e

    ajab be-raunaqī barsāt meñ thī

    añdhere meñ nazar aane lagā thā

    koī to raushnī zulmāt meñ thī

    ga.e vaqtoñ meñ aisā to nahīñ thā

    yahī duniyā thī aur auqāt meñ thī

    kahīñ to vaqt jaise ruk gayā thā

    kahīñ par umr bhī lamhāt meñ thī

    huā thā vāqi.a kuchh aur lekin

    ḳhabar kuchh aur aḳhbārāt meñ thī

    bahut thī dhuup meñ shiddat bhī 'ḳhālid'

    magar talḳhī jo ehsāsāt meñ thī

    ajab ek baat us ki baat mein thi

    ki KHushbu peD ke har pat mein thi

    tumhein hum se mohabbat ka gila tha

    mohabbat kab hamare hath mein thi

    ye aise the ki KHush aate bahut the

    koi KHushbu inhi din raat mein thi

    ajab mausam tumhaare baad aae

    ajab be-raunaqi barsat mein thi

    andhere mein nazar aane laga tha

    koi to raushni zulmat mein thi

    gae waqton mein aisa to nahin tha

    yahi duniya thi aur auqat mein thi

    kahin to waqt jaise ruk gaya tha

    kahin par umr bhi lamhat mein thi

    hua tha waqia kuchh aur lekin

    KHabar kuchh aur aKHbaraat mein thi

    bahut thi dhup mein shiddat bhi 'KHalid'

    magar talKHi jo ehsasat mein thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now