عجب اک بات اس کی بات میں تھی
عجب اک بات اس کی بات میں تھی
کہ خوشبو پیڑ کے ہر پات میں تھی
تمہیں ہم سے محبت کا گلا تھا
محبت کب ہمارے ہاتھ میں تھی
یہ ایسے تھے کہ خوش آتے بہت تھے
کوئی خوشبو انہی دن رات میں تھی
عجب موسم تمہارے بعد آئے
عجب بے رونقی برسات میں تھی
اندھیرے میں نظر آنے لگا تھا
کوئی تو روشنی ظلمات میں تھی
گئے وقتوں میں ایسا تو نہیں تھا
یہی دنیا تھی اور اوقات میں تھی
کہیں تو وقت جیسے رک گیا تھا
کہیں پر عمر بھی لمحات میں تھی
ہوا تھا واقعہ کچھ اور لیکن
خبر کچھ اور اخبارات میں تھی
بہت تھی دھوپ میں شدت بھی خالدؔ
مگر تلخی جو احساسات میں تھی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
