ajab ek taur hai jo hum sitam ijad rakhen

ajab ik taur hai jo ham sitam ījād rakheñ

ki na us shaḳhs ko bhūleñ na use yaad rakheñ

ahd is kūcha-e-dil se hai so us kūche meñ

hai koī apnī jagah ham jise barbād rakheñ

kyā kaheñ kitne hī nukte haiñ jo barte na ga.e

ḳhush-badan ishq kareñ aur hameñ ustād rakheñ

be-sutūñ ik navāhī meñ hai shahr-e-dil kī

tesha in.aam kareñ aur koī farhād rakheñ

āshiyāna koī apnā nahīñ par shauq ye hai

ik qafas laa.eñ kahīñ se koī sayyād rakheñ

ham ko anfās kī apne hai imārat karnī

is imārat kī laboñ par tire buniyād rakheñ

ajab ek taur hai jo hum sitam ijad rakhen

ki na us shaKHs ko bhulen na use yaad rakhen

ahd is kucha-e-dil se hai so us kuche mein

hai koi apni jagah hum jise barbaad rakhen

kya kahen kitne hi nukte hain jo barte na gae

KHush-badan ishq karen aur hamein ustad rakhen

be-sutun ek nawahi mein hai shahr-e-dil ki

tesha inam karen aur koi farhad rakhen

aashiyana koi apna nahin par shauq ye hai

ek qafas laen kahin se koi sayyaad rakhen

hum ko anfas ki apne hai imarat karni

is imarat ki labon par tere buniyaad rakhen